Xəbərlər
Cənubi Koreya kəşfiyyatı: KXDR yenidən Rusiyaya dəstək üçün qoşun göndərməyə hazırlaşır
Şimali Koreyanın iyul və ya avqustda Rusiyanın Ukraynaya qarşı apardığı müharibəyə dəstək məqsədilə əlavə qoşun göndərəcəyi gözlənilir. "Yonhap" agentliyi yazır ki, Cənubi Koreyanın Milli Kəşfiyyat Xidməti (NIS) bu barədə parlamentin kəşfiyyat komitəsi üçün təşkil etdiyi qapalı brifinqdə məlumat verib.
Daha əvvəl isə Rusiya mediası məlumat yaymışdı ki, Pxenyan Rusiyanın Kursk vilayətinə 6 minədək hərbi inşaatçı və minatəmizləyən göndərəcək. Bu, iki ölkə arasında hərbi əməkdaşlığın daha da dərinləşdiyinin mümkün göstəricisi kimi dəyərləndirilir.
NIS həmçinin məlumat verib ki, Şimali Koreya Rusiyaya 10 milyondan çox artilleriya mərmisi, raket və uzaqmənzilli silahlar verərək əvəzində Moskvadan iqtisadi əməkdaşlıq və texniki dəstək alıb.
Keçən il Rusiya və Şimali Koreya arasında qarşılıqlı hərbi yardımla bağlı maddənin yer aldığı tərəfdaşlıq sazişi imzalanıb. Cənubi Koreya və Qərb kəşfiyyatı 2024-cü ilin payızından bəri Rusiyaya 10 mindən çox Şimali Koreya əsgərinin gəldiyini və sonradan Ukrayna qoşunlarına qarşı döyüşlərdə iştirak etdiyini bildirib. Onların xeyli itki verdiyi qeyd olunub.
Rusiyada fotoqrafa vətənə xəyanət ittihamı ilə 16 il həbs verilib
Perm regional məhkəməsi fotoqraf Qriqori Skvortsovu dövlətə xəyanətdə təqsirli bilərək 16 il azadlıqdan məhrum edib. Bu barədə onun dəstək qrupu məlumat yayıb.
Skvortsov amerikalı jurnalistə sovet bunkerləri haqqında məxfi olmayan məlumatları göndərməkdə ittiham olunurdu.
İttiham tərəfi Skvortsovun 18 il müddətinə azadlıqdan məhrum edilməsini istəmişdi.
Skvortsov özünü təqsirli saymır.
Q.Skvortsov sənaye obyektlərinin foto və video çəkilişləri üzrə ixtisaslaşıb. "Mediazona"nın yazdığına görə, o, hündür binaların damlarına və sənaye obyektlərinə çıxaraq çəkiliş aparmaqla məşğul olurdu (bu fəaliyyət qeyri-rəsmi olaraq "ruferlik" adlanır). O, həmçinin "Jagath" adlı qrupun təsisçisi idi. Bu qrup mədənlərdə, yarımçıq tikililərdə və zavod sexlərində qeyri-adi çıxışları ilə tanınır. "Pervıy otdel" yazır ki, Skvortsov 2022-ci ildə Almaniyanın "Sonic Seducer" nəşrinə verdiyi müsahibədə Ukraynadakı müharibəyə qarşı çıxıb. O, 2023-cü il noyabrın sonunda saxlanılıb. Daha sonra məlum olub ki, ona qarşı dövlətə xəyanət ittihamı irəli sürülüb və istintaq təcridxanasına göndərilib.
"Pervıy otdel"ə verdiyi müsahibədə Q.Skvortsov bildirib ki, o, "Sovet gizli bunkerləri: 1930–1960-cı illərin şəhər xüsusi fortifikasiyası" adlı açıq satışda olan kitabın müəllifi Dmitri Yurkovdan həmin kitaba əlavə materiallar - arxiv sənədlərinin fotolarını alıb. Onun sözlərinə görə, bu sənədlər artıq məxfilikdən çıxarılmışdı. Skvortsov bu materialları ABŞ-də yaşayan tanış jurnalistə göndərdiyini etiraf edib və bildirib ki, o, sadəcə bunu "ictimaiyyətlə bölüşmək istəyib".
Skvortsov bildirir ki, ona qarşı aparılan bu iş əslində xüsusi xidmət orqanlarının öz uğursuzluqlarını ört-basdır etmək cəhdidir, onlar açıq məlumatları sonradan "gizli" elan edərək məsuliyyəti öz üzərilərindən atmağa çalışırlar.
Fotoqrafa dəstək qrupu bildirib ki, hökmdən apellyasiya şikayəti veriləcək və fəallar Skvortsovu da məhbus mübadiləsi üçün siyahıya daxil etməyə çalışacaqlar.
Azərbaycan və İran prezidentləri danışıb
İyunun 26-da Azərbaycan prezidenti İlham Əliyevlə İran İslam Respublikasının prezidenti Məsud Pezeşkian arasında telefon söhbəti olub.
Azərbaycan prezidentinin Mətbuat xidmətinin məlumatına görə, İ.Əliyev İran-İsrail qarşıdurmasının dayandırılması, atəşkəsin əldə olunması ilə bağlı M.Pezeşkiana təbriklərini çatdırıb, bölgədə sülhün və əmin-amanlığın vacib şərt olduğunu bir daha qeyd edib.
"Telefon söhbəti əsnasında dövlət başçıları ikitərəfli münasibətlərin perspektivləri ilə bağlı fikir mübadiləsi aparıb...", - məlumatda əlavə edilib.
Əliyev Pezeşkianı iyulun əvvəlində Azərbaycanda keçiriləcək İqtisadi Əməkdaşlıq Təşkilatının (ECO) Sammitinə dəvət edib.
İyunun 13-də İsrail İrana hava zərbələri endirib. Rəsmi Təl-Əviv məqsədlərinin İranın nüvə obyektlərini sıradan çıxarmaq olduğunu bildirib. İran da qarşı tərəfə cavablar verib. Hər iki tərəfdən itkilər olub.
İyunun 21-də isə İranın üç nüvə obyektinə ABŞ zərbələr endirib. Prezident Donald Tramp zərbələri uğurlu sayıb. İran da buna cavab olaraq ABŞ-nin bölgədəki bəzi obyektlərini vurduğunu açıqlayıb. Amma bundan əvvəl rəsmi Vaşinqton xəbərdar edilib.
İyunun 24-də ABŞ-nin vastəçiliyi ilə İsrail və İran arasında atəşkəs əldə edilib
ABŞ, İsrail və bir çox Qərb ölkələri hesab edirlər ki, İranın uranı zənginləşdirmək layihəsi dinc məqsədlərə xidmət etmir.
Strasburqda Rusiyaya qarşı xüsusi tribunalın yaradılması haqqında saziş imzalanıb
Ukrayna prezidenti Volodimir Zelenski iyunun 25-də Rusiyanın Ukraynaya müdaxiləsində məsul olan yüksəkvəzifəli şəxslərin mühakimə olunması üçün xüsusi tribunal yaradılması haqqında Avropa Şurası ilə saziş imzalayıb.
Tribunal "təcavüz cinayəti"ni araşdıracaq və bu iş üzrə Rusiya prezidenti Vladimir Putin də daxil olmaqla, ən yüksəksəviyyəli Rusiya siyasətçiləri mühakimə oluna bilər.
"Hər bir hərbi cinayətkar ədalətin olacağını bilməlidir və bu, Rusiyaya da aiddir", - prezident Zelenski Strasburqda Avropa Şurasının baş katibi Alen Berse ilə sazişi imzaladıqdan sonra deyib.
"Putin də daxil olmaqla, hər bir rusiyalı müharibə cinayətkarının ədalət qarşısında cavab verməsini təmin etmək üçün güclü siyasi və hüquqi cəsarət tələb olunacaq", - Zelenski sazişi imzaladıqdan sonra Avropa Şurasının Parlament Assambleyasında (AŞPA) çıxış edərkən bildirib.
Daha sonra isə o, X platformasında yazıb: "Aydın bir mesaj göndərməliyik: təcavüz cəza ilə nəticələnir. Və bunu birlikdə - bütün Avropa olaraq - etməliyik".
Avropa Şurası bəyan edib ki, tribunalın səlahiyyəti Ukraynaya qarşı təcavüz cinayətinə görə yüksəksəviyyəli siyasi və hərbi rəhbərlərin mühakimə olunmasını əhatə edəcək.
"Bu cinayət BMT Nizamnaməsini pozaraq digər bir dövlətə qarşı silahlı gücdən istifadə olunması qərarını ifadə edir", - Şura bildirib.
Qeyd olunub ki, əgər Ukraynaya qarşı təcavüz cinayətində belaruslar və ya şimali koreyalıların da mühüm rol oynadığı sübuta yetirilərsə, onlar da potensial olaraq mühakimə oluna bilər.
Berse bildirib ki, beynəlxalq hüquq "istisnasız və ikili standartlar olmadan hamıya şamil edilməlidir". O, Avropa Şurası tribunalın gələn ildən işə başlaya biləcəyinə ümid etdiyini deyib. Tribunalın harada yerləşəcəyi isə hələ ki, müəyyən olunmayıb.
İlk dəfədir ki Avropanın ən yüksək insan hüquqları qurumu olan Avropa Şurasının nəzarəti altında belə bir tribunal yaradılır.
46 üzvü olan Avropa Şurası Avropa İttifaqının (Aİ) bir qurumu deyil və onun üzvləri arasında Türkiyə, Böyük Britaniya və Ukrayna kimi Aİ üzvü olmayan əsas Avropa dövlətləri var. Rusiya Ukraynaya qarşı işğalçı müharibəyə başladıqdan sonra Avropa Şurasından çıxarılıb.
Tramp və Zelenski NATO sammitində görüşüblər
Haaqada NATO sammitinin plenar iclasından sonra ABŞ və Ukrayna prezidentlərinin görüşü baş tutub.
Ukrayna mətbuatının məlumatına görə, görüş bağlı qapılar arxasında keçirilib və təxminən 50 dəqiqə davam edib.
Volodimir Zelenski görüşü "məzmunlu" adlandırıb. Onun sözlərinə görə, bütün vacib məsələlər, o cümlədən "atəşkəs və real sülhə necə nail olmaq" müzakirə olunub.
NATO sammitinin yekunlarına dair mətbuat konfransında Tramp Zelenski ilə görüşü "yaxşı" adlandırıb və atəşkəs məsələsinin birbaşa müzakirə olunmadığını vurğulayıb. ABŞ prezidentinin dediyinə görə, o, Vladimir Putinlə danışmağı planlaşdırır. "Görək buna son qoya bilərikmi?", - Tramp müharibəni nəzərdə tutaraq deyib.
"Bloomberg"in yazdığına görə, Tramp NATO müttəfiqlərinə Ukraynadakı vəziyyətin tamamilə nəzarətdən çıxdığını və təxirəsalınmaz tədbirlər tələb etdiyini bildirib. Tramp tezliklə atəşkəs və sülh razılaşmasının tərəfdarıdır. Ukrayna Birləşmiş Ştatların atəşkəslə bağlı təklifinə razılıq verib, lakin Rusiya əlavə şərtlər irəli sürür.
ABŞ dövlət katibi Marko Rubio çərşənbə günü bir daha bəyan edib ki, Vaşinqton indiki məqamda sanksiyaları sərtləşdirmək istəmir, çünki bu, Rusiya ilə dialoqun qapısını bağlaya bilər.
Xatırlatma
2022-ci il fevralın 24-də Rusiya Ukraynaya yenidən təcavüzə başlayıb. 11 il əvvəl də Rusiya Ukraynanın bir hissəsini-Krımı tutmuşdu.
2022-ci ildə prezident V.Putin Ukraynanın dörd vilayətinin (Donetsk, Luqansk, Zaporojye və Xerson) Rusiyanın tərkibinə qəbulu haqqında konstitusiya qanununu imzalayıb.
Hazırda Ukrayna ərazisinin 20 faizindən çoxu, o cümlədən Luqansk vilayəti tam, Donetsk, Zaporojye və Xerson vilayətlərinin isə çox hissəsi işğal altındadır.
AXCP: Gənc üzvümüzə 30 sutka verilib
Azərbaycan Xalq Cəbhəsi Partiyası (AXCP) Gənclər Komitəsinin fəallarından Aqşin Abdullayevin (Oğuz) Binəqədi rayon Məhkəməsinin qərarı ilə 30 sutka inzibati qaydada həbs edildiyi bildirilir. Bu barədə AXCP-dən məlumat veriblər. Partiya onun tənqidlərinə görə şərləndiyini hesab etsə də, detallar açıqlanmayıb.
Dünən, iyunun 24-də A.Abdullayev Binəqədi rayon Polis İdarəsinin 40-cı polis bölməsinə çağırılmışdı. Onun çağırış üzrə bölməyə getdiyi, amma sonra Xalq Cəbhəsi üzvündən məlumat almağın mümkün olmadığı bildirilmişdi.
AXCP-nin bu açıqlamasını, hələlik, Daxili İşlər Nazirliyi, Binəqədi rayon Məhkəməsi və başqa aidiyyəti rəsmi qurumlardan dəqiqləşdirmək mümkün olmayıb.
Xatırlatma
Müxalifətdə olan AXCP-nin hazırda ümumilikdə 15 civarında üzvü uzunmüddətli həbsdədir. Üstəlik, bir çox fəalları inzibati qaydada həbs edilib. Onlar müxtəlif ittihamlarla üzləşsələr də, partiya onların hamısının siyasi sifarişlə həbs olunduğunu açıqlayıb. Azərbaycan rəsmiləri isə ölkədə siyasi məhbus olması ilə bağlı deyilənləri qəbul etmirlər. Onlar vurğulayırlar ki, siyasi məhbus siyahısında yer alan şəxslər sırf törətdikləri əmələ görə mühakimə ediliblər.
Bəzi hüquq müdafiəçilərinin hesablamalarına görə, hazırda Azərbaycanda 370-dan çox siyasi məhbus var.
İran İsrailə casusluqda günahlandırdığı daha üç nəfəri edam edib
İranın ədliyyə sisteminə bağlı "Mizan" xəbər agentliyi iyunun 25-də məlumat yayıb ki, İsrailə casusluqda təqsirləndirilən üç nəfər edam olunub. Bu şəxslər "Mossad" ilə əməkdaşlıqda və sui-qəsddə istifadə olunan avadanlıqları qaçaqmalçılıq yolu ilə ölkəyə keçirməkdə günahlandırılıblar.
İran İsraillə 12 günlük müharibədə əvvəl də bir çox şəxsi oxşar ittihamla edam edib.
Son günlərdə "Amnesty International" da daxil olmaqla bir sıra insan haqları təşkilatları bu üç nəfərin edam olunma ehtimalı ilə bağlı xəbərdarlıq etmiş və İsrailin hücumlarının dayandırılmasından sonra İranda edamların sayının artmacağından narahatlıq ifadə etmişdilər.
Bununla da İranda son iki həftə ərzində "casusluq" və "İsraillə işbirliyi" ittihamı ilə edam olunanların sayı altıya çatıb. Bu şəxslərdən üçü 12 günlük İran-İsrail müharibəsi zamanı edam edilib.
İran mediası müharibə zamanı oxşar ittihamlarla çox sayda vətəndaşın həbs edildiyini yazıb.
Vaxtı keçmiş kreditlər ilin əvvəlindən 13 faiz artıb
Bu il iyunun 1-nə Azərbaycanda vaxtı keçmiş kreditlərin məbləği son bir ayla müqayisədə 1.1 faiz artaraq 508.3 milyon manata yüksəlib.
Bu barədə Azərbaycan Mərkəzi Bankı (AMB) bu gün, iyunun 25-də məlumat yayıb.
Ölkədə vaxtı keçmiş kreditlərin həcmi ilin əvvəli ilə müqayisədə 13, son bir ildə isə 9 faiz artıb.
Mayın sonuna vaxtı keçmiş kreditlərin ümumi kredit portfelində çəkisi isə dəyişməyərək 1.7 faiz təşkil edib.
Azərbaycanda 2015-ci ildə iki devalvasiya baş vermiş, manat iki dəfədən çox dəyər itirmişdi. Onda problemli kreditlərin 2 milyard manata yaxınlaşdığı açıqlanmışdı. 2019-cu il fevralın 19-da isə prezident fiziki şəxslərin xarici valyutada olan problemli kreditlərinin həlli ilə bağlı fərman verdi. Onda 10 min dollara qədər kredit götürən fiziki şəxslərin borclarında 2015-ci ildə baş vermiş devalvasiyalardan sonra yaranmış fərq dövlət hesabına ödənildi. Bundan sonra problemli kreditlər azaldı. Amma 2021-ci ilin əvvəlində yenidən bu kreditlərin artdığı açıqlanmışdı. Bu, onda koronavirus pandemiyasi ilə izah edilirdi. 2022-ci ildə isə yenidən problemli kreditlərin azaldığı vurğulanırdı.
Bir sıra müstəqil iqtisadçılar yenidən vaxtı keçmiş kreditlərin artmasını əhalinin sosial problemlərinin artması ilə izah edirlər. Hökumət rəsmiləri isə, hələlik, bu məsələni şərh etməyiblər.
Atəşkəsin ikinci günü: Burada üfüqlər sakitdir [Video]
İranla İsrail arasında atəşkəs rəsmən qüvvəyə minib.
Gərgin başlanğıca baxmayaraq, ABŞ prezidenti Donald Trampın vasitəçiliyi ilə əldə olunan atəşkəsin ikinci günü İsrail və İran səmalarında sakitlik olub.
Bu gün, iyunun 25-i səhər İsrail hökuməti müharibə ilə bağlı mülki əhaliyə məhdudiyyətlərin əksəriyyətini qaldırıb. Lakin Qəzza ilə bağlı bəzi məhdudiyyətlər qüvvədə qalacaq.
İran prezidenti Məsud Pəzeşkian da atəşkəsin qüvvəyə minməsi ilə ölkəsinin normal həyata qayıtmağa hazır olduğunu bildirib.
"Bu gündən hökumət və aidiyyəti qurumlar bərpa işlərinə başlayacaq və normal həyatı bərpa edəcək", - Pəzeşkian dövlət televiziyası ilə çıxışında deyib.
24 iyun
Tramp deyir ki, 'İsrail sakitləşməlidir'
NATO sammiti üçün Vaşinqtondan Hollandiyaya uçmazdan əvvəl jurnalistlərə danışan D.Tramp deyib ki, həm İran, həm də İsrail çərşənbə axşamı (24 iyun) səhər elan olunan atəşkəsi pozub.
ABŞ prezidentinin sözlərinə görə, o, hər iki ölkədən narazıdır, xüsusilə də İsraildən. Bildirib ki, atəşkəsin qüvvəyə minməsindən sonrakı ilk saatda İsrail İrana güclü zərbələr endirib. "Elə başa düşürəm ki, İsrail heç kimə dəyməyən bir raketə görə qəzəblidir", - o əlavə edib.
Tramp deyib ki, "İsrail sakitləşməlidir".
+++
İsrailin İrana zərbələri nəticəsində 610-dək insan həlak olub, 5 mindən çox insan yaralanıb, - bu haqda ölkənin səhiyyə nazirliyi bildirib.
+++
ABŞ prezidenti Donald Tramp İsraili İrana yeni zərbələr endirməkdən çəkinməyə çağırıb, bunun "böyük eskalasiya" olacağı barədə xəbərdarlıq edib.
"İsrail. O bombaları atmayın. Pilotları evə qaytarın", - Tramp "Truth Social"da yazıb.
İsrail İranın atəşkəsi pozduğunu, ona yeni zərbələr endirəcəyini bildirir
İsrail müdafiə naziri İsrael Kats deyir ki, İranın atəşkəsi pozmasına cavab olaraq onun ölkəsi Tehrana zərbələri davam etdirəcək.
Bu gün səhər saatlarında tərəflər arasında atəşkəsin qüvvəyə minməsinə baxmayaraq, İsrail Müdafiə Qüvvələri (IDF) İran tərəfindən İsrailin şimal istiqamətində raketlər atıldığını bəyan edib.
+++
İran atəşkəs elan olunduqdan sonra İsrailə raket zərbələri endirilməsi ilə bağlı ittihamları rədd edib.
Tramp: 'Atəşkəs qüvvədədir, xahiş edirəm, pozmayın'
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail İranla atəşkəsə dair Birləşmiş Ştatların təklifini qəbul edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün hədəflərinə nail olub.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
/h3
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
İranla İsrail arasında atəşkəs rəsmən qüvvəyə mindi.
/h3
ABŞ prezidenti Donald Tramp İsrail və İran arasında atəşkəsin qüvvəyə mindiyini bildirib.
"Atəşkəs qüvvəyə mindi. Xahiş edirəm onu pozmayın!", - o, sosial şəbəkədə yazıb.
Bu gün səhər İran dövlət televiziyası İsraillə hərbi münaqişədə atəşkəsin başlandığını elan edib.
Bundan bir neçə saat əvvəl ABŞ prezidenti D.Tramp İsrail və İran arasında "tam atəşkəs" haqqında razılığın əldə olunduğunu açıqlamışdı.
"The New York Times"in yazdığına görə, atəşkəs razılaşması Amerikanın təklifini İrana çatdıran Qətərin vasitəçiliyi ilə əldə olunub.
+++
İsrail rəsmən İranla atəşkəs elan edib.
Netanyahunun ofisindən bildirilib ki, İsrail nüvə və raket sahəsində təhlükələri aradan qaldırmaqla İrana qarşı hərbi əməliyyatın bütün məqsədlərinə nail olub.
Vurğulanıb ki, Tehran tərəfindən atəşkəs şərtlərinin pozulmasına İsrail qətiyyətlə cavab verəcək.
23 iyun
Tramp İrana təşəkkür etdi
İran Qətərdəki ABŞ bazasına hücum niyyəti barədə əvvəlcədən xəbərdarlıq edib, bunun sayəsində ölən və ya xəsarət alan olmayıb. Bunu ABŞ prezidenti Donald Tramp "Truth Social" platformasında yazıb.
"...erkən xəbərdarlığa görə İrana təşəkkür etmək istəyirəm. Ola bilsin, İran indi regionda sülh və harmoniya yolunu tutacaq, İsraili də buna təşviq etmək həvəsindəyəm", - o vurğulayıb.
Tramp İranın cavabını "çox zəif" adlandırıb. Onun sözlərinə görə, 14 raket atılıb, onlardan 13-ü vurulub, biri isə uçuş istiqaməti təhlükə yaratmadığı üçün "buraxılıb".
ABŞ prezidenti ümidvardır ki, "daha NİFRƏT olmayacaq".
İran Qətərdəki ABŞ bazasına raketlər atdı
Bazar ertəsi axşam İran Qətərdəki Əl-Udeyd Hərbi Hava Qüvvələri bazasına raket zərbəsi endirib. Burada Amerika, Qətər və Britaniya ordularının bölmələri yerləşir.
Yerli və ABŞ rəsmiləri hücumun dəf edildiyini və itkilərin olmadığını bildiriblər. İran xəbər agentlikləri bazaya altı raketin düşdüyünü iddia edir, lakin bu məlumatın müstəqil təsdiqi yoxdur.
"Axios"un məlumatına görə, bazaya ümumilikdə 10 raket buraxılıb. Bu, İranın İsrailə son zərbələrindən xeyli azdır. "The New York Times" qəzetinin yazdığına görə, İran Qətər hökumətinə zərbə ilə bağlı əvvəlcədən xəbərdarlıq edib. "Axios"un mənbəyi iddia edir ki, Vaşinqton da bundan xəbərdar idi.
Tehranın yaydığı bəyanatda hücumun ABŞ ordusunun İranın nüvə obyektlərinə endirdiyi zərbələrə cavab olaraq həyata keçirildiyi və Qətərə qarşı yönəlmədiyi bildirilir.
Sosial şəbəkələrdə bazanın ərazisində hava hücumundan müdafiə sistemlərinin işinin videosu yayılıb.
Qətər və BƏƏ rəsmiləri hava məkanını bağlayıb. ABŞ-nin Dohadakı səfirliyi vətəndaşlara növbəti xəbərdarlığa qədər ehtiyat tədbiri olaraq sığınacaqlara enməyi tövsiyə edib.
CNN xəbər verir ki, Bəhreyndəki ABŞ səfirliyinin əməkdaşları sığınacaqlara göndərilib.
İraqdakı Amerika bazasına da zərbə endirilməsi ilə bağlı xəbərlər var, lakin bu mümkün hücumla bağlı, hələlik, təfərrüatlar yoxdur.
Jurnalist sağlamlıq problemlərindən və qeyri-insani rəftardan şikayət edir
"ToplumTV işi" çərçivəsində həbs edilən jurnalist Fərid İsmayılovun səhhətindəki problemlər və qeyri-insani rəftardan şikayət etdiyi bildirilir. Bu barədə onun yaxınları məlumat verib. Vurğulanıb ki, F.İsmayılovun qan şəkərində problem var, bu da ona həm təcridxanada, həm də məhkəməyə gətirilib-aparılanda problemlər yaradır: "Hətta sistemlə köçürülməsi üçün qida əlavələri, dərmanlar alıb göndərmişik".
Yaxınların iddiasına görə, Bakı İstintaq Təcridxanasında F.İsmayilova lazımi qaydada sistem köçürülmür. Onların sözlərinə görə, iyunun 23-də F.İsmayılov məhkəmədə (bu iş üzrə məhkəmə prosesi davam edir) bildirib ki, o, həm də miqrendən əziyyət çəkir.
Hələlik, bütün bu deyilənlərə Penitensiar Xidmət və başqa rəsmi qurumlardan münasibət almaq mümkün olmayıb. Amma rəsmi qurumlar, bir qayda olaraq, vurğulayır ki, təcridxana və cəzaçəkmə müəssisələrində saxlanan şəxslərlə qanun çərçivəsində davaranılır.
2024-cü il martın 6-da polis Bakıda "ToplumTV" onlayn televiziyasının ofisində axtarış aparıb və media qurumunun ofisi möhürlənib. Ümumilikdə "ToplumTV işi" üzrə 10-a yaxın şəxs həbs edilib. Onlara ilkin olaraq Cinayət Məcəlləsinin 206.3.2-ci (qaçaqmalçılıq, bir qrup şəxslə əvvəlcədən əlbir olaraq törədildikdə) maddəsi ilə cinayət işi açılsa da, bu il yanvarın 17-də ağırlaşlaşdırıcı maddələrlə yeni ittihamlar irəli sürülüb.
"ToplumTV" bəyanat yayaraq baş verənlərin onların peşə fəaliyyətləri ilə əlaqəli olduğunu bildirib və bunu müstəqil mediaya basqı kimi qiymətləndirib.
Xatırlama
2023-cü ilin noyabrından başlayaraq Azərbaycanda qruplar halında 30-dan çox jurnalist, ictimai fəal qaçaqmalçılıq ittihamı ilə həbs edilib. Onlar ittihamla razılaşmır, bunu peşə fəaliyyətləri və siyasi sifarişlə izah edirlər. Sonradan onlardan bir çoxunun ittihamı ağırlaşdırılıb.
Ötən həftə onlardan "AbzasMedia işi" üzrə günahlandırılan yeddi jurnalistə 9 ildən 7 il 6 aya qədər həbs cəzası verilib. Onların arasında AzadlıqRadiosunun 9 il həbs cəzası alan jurnalisti Fərid Mehralızadə də var.
Yerli hüquq-müdafiə təşkilatlarının hazırladığı siyahılara görə, indi Azərbaycan həbsxanalarında 370-dən çox siyasi məhbus var. Rəsmilərsə, bir qayda olaraq, vurğulayırlar ki, ölkədə heç kim peşə fəaliyyəti ilə bağlı, siyasi əsaslarla həbs edilmir. Onlar iddia edirlər ki, həmin siyahılarda adları yer alanlar törətdikləri əmələ görə məsuliyyətə cəlb olunublar.
Rusiya Ukraynaya dron zərbələri endirib. Azı 11 nəfər həlak olub
İyunun 24-də səhər saatlarında Rusiya qüvvələri Ukraynanın Dnepr şəhərinə zərbələr endirib. Dnepropetrovsk vilayət hərbi administrasiyasının rəhbəri Sergey Lısakın sözlərinə görə, yataqxana, gimnaziya, inzibati bina və sərnişin qatarına ziyan dəyib.
Zərbələr nəticəsində Dneprdə 11 nəfər həlak olub, 160-dan çox adam yaralanıb. Yaralılar arasında uşaqların olduğu bildirilib.
Ukrayna prezidenti Volodimir Zelenski X postunda ölü sayının arta biləcəyini yazıb.
"Ukrzaliznitsa" ASC bildirib ki, raket 52 nömrəli Odessa - Zaporojye qatarının yaxınlığına düşüb.
Sumi regional hərbi administrasiyası isə iyunun 24-ü səhər saatlarında məlumat yayıb ki, gecə ərzində Rusiya qüvvələrinin vilayətin bir kəndinə endirdiyi dron zərbələri nəticəsində üç nəfər həlak olub və onlardan bir də 8 yaşlı oğlan uşağıdır.
Ukrayna Hərbi Hava Qüvvələrinin məlumatına görə, iyunun 24-nə keçən gecə Rusiya qüvvələri Ukraynaya 97 ədəd "Shahed" kamikadze dronları və digər PUA-lar ilə hücum edib.
Xerson vilayətinə də zərbələr endirilib, azı dörd nəfər yaralanıb.
Rusiya Müdafiə Nazirliyi isə bildirib ki, hava hücumundan müdafiə qüvvələri iyunun 24-də gecə ərzində Ukraynanın 20 dronunu vurub.
Son hücumlar V.Zelenskinin iyunun 24-25-də Haaqada sammit çərçivəsində NATO liderləri ilə görüşə hazırlaşdığı vaxta təsadüf edir.
Gürcüstanda iki gündə dörd müxalifət lideri həbs olunub
Gürcü müxalifətçisi, "Aqmaşenebeli Strategiyası" partiyasının lideri Giorgi Vaşadze parlamentin mübahisəli istintaq komissiyasına gəlmədiyinə görə 7 ay müddətinə azadlıqdan məhrum edilib. Ona həmçinin 2 il ərzində dövlət vəzifələrini tutmaq qadağan edilib.
Bir gün əvvəl - iyunun 23-də digər üç müxalifət lideri oxşar ittihamlarla azadlıqdan məhrumetmə cəzası alıblar. "Güclü Gürcüstan" və "Lelo" partiyalarının rəhbərləri Mamuka Xazaradze və Badri Caparidze hər biri 8 ay müddətinə həbs cəzasına məhkum edilib. "Dəyişikliklər Uğrunda Koalisiya" və "Qirçi – Daha çox azadlıq" partiyasının lideri Zurab Caparidze isə 7 ay müddətinə azadlıqdan məhrum edilib.
G.Vaşadze hökmün elanında iştirak etməyib. O, partiyasının ofisində hüquq-mühafizə orqanları tərəfindən saxlanılıb.
Gürcüstanın beşinci prezidenti Salome Zurabişvilinin sözlərinə görə, iqtidarda olan "Gürcü arzusu" partiyası paranoid vəziyyətdədir və bu, rejimin son mərhələdə olduğunu göstərən klassik əlamətdir. O bildirib ki, hakimiyyətin hərəkətləri daxili parçalanma, artan repressiyalar və sistemin öz daxilindəki qorxu ilə bağlıdır.
Zurabişvili qeyd edib ki, müxalifəti və cəmiyyəti çətin dövr gözləyir, xüsusilə də dinc etiraz aksiyalarında iştirak edən gəncləri. O, dinc aksiyaların davam etdirilməsinin və müxalifətin vahid strategiya ətrafında birləşməsinin vacibliyini vurğulayıb.
Müxalifət liderlərinə qarşı çıxarılan hökmləri Qərb siyasətçiləri, o cümlədən ABŞ konqresmeni Co Uilson kəskin pisləyib. Uilson sosial şəbəkədə yazıb: "Qeyri-legitim "Gürcü arzusu" rejimi müxalifət liderləri Zurab Caparidze, Mamuka Xazaradze və Badri Caparidzeni qanunsuz olaraq həbs edərək repressiyaları gücləndirir. İvanişvili ölkəni kommunist Çinin xidmətində olan birpartiyalı dövlətə çevirməyə çalışır. Senat #MEGOBARI aktını qəbul etməlidir!".
Özbəkistan prezidenti qızını öz administrasiyasının rəhbəri təyin edib
Özbəkistan prezidenti Şavkat Mirziyoyev prezident administrasiyasının rəhbəri vəzifəsini bərpa edib və bu vəzifəyə böyük qızı Saidanı təyin edib. Bu barədə prezidentin mətbuat katibi Şerzod Asadov "Telegram" hesabında məlumat verib.
Prezident Administrasiyasının rəhbəri vəzifəsi 2023-cü ilin avqustunda prezident Mirziyoyevin fərmanı ilə ləğv edilmişdi. Həmin vaxt bu vəzifəni Sardor Umurzakov icra edirdi. Sonradan o, prezidentin xüsusi tapşırıqlar üzrə müşaviri təyin olunmuşdu.
S.Mirziyoyeva 2023-cü ilin avqustundan prezidentin köməkçisi vəzifəsini tuturdu. Bundan əvvəl isə o, Prezident Administrasiyasının icra aparatının kommunikasiya və informasiya siyasəti sektoru müdiri kimi çalışıb.
Macarıstan və Slovakiya Rusiyaya yeni sanksiyalara qarşı çıxır
Macarıstan və Slovakiya Avropa İttifaqı (Aİ) xarici işlər nazirlərinin Brüsseldə keçirilən görüşündə Rusiyaya qarşı 18-ci sanksiyalar paketinin qəbulunu dəstəkləməyib. Bu barədə Macarıstanın xarici işlər naziri Peter Siyarto məlumat verib. Onun sözlərinə görə, Avropa Komissiyasının Rusiya enerji resurslarının idxalını mərhələli şəkildə dayandırmaq planlarına cavab olaraq iki ölkə bu qərarı bloklayıb.
"Bu gün biz Slovakiya ilə birlikdə 18-ci sanksiyalar paketinin qəbulunun qarşısını aldıq", - Siyarto jurnalistlərə deyib. "Biz bunu ona görə etdik ki, bu halda Macarıstan və Slovakiya da daxil olmaqla Aİ ölkələrinə Rusiyadan təbii qaz və ucuz Rusiya xam nefti almaq qadağan edilirdi".
Avropa Komissiyası Rusiyanın "Şimal axını 1" və "Şimal axını 2" qaz kəmərlərinə məhdudiyyətlərin 18-ci paketə daxil edilməsini, həmçinin Rusiya neftinin qiymətinin bir barel üçün qiymət həddinin 60 dollardan 45 dollara endirməyi təklif edir. Bundan əlavə, Rusiyanın kölgə donanmasına aid 80-ə yaxın gəmi də sanksiyalara məruz qala bilər.
17-ci sanksiyalar paketi mayın 20-də təsdiqlənib.
Azərbaycanda karantin oktyabra qədər uzadılıb
Azərbaycanda xüsusi karantin rejiminin müddəti yenə uzadılıb. Baş nazir Əli Əsədov bununla bağlı qərar imzalayıb.
"Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti bu il oktyabrın 1-i saat 06:00-dək uzadılıb", - qərarda yazılıb.
Bundan əvvəl xüsusi karantin rejimi 2025-ci il iyulun 1-i saat 6:00-a qədər uzadılmışdı.
Azərbaycanda koronavirus pandemiyası ilə bağlı 2020-ci ilin martından karantin rejimidir. Yoluxma sayından asılı olaraq rejim arada sərtləşdirilsə də, sonra yenə yumşaldılıb. Onun müddəti dəfələrlə uzadılıb.
Bu karantin çərçivəsində Azərbaycanın quru sərhədində xarici ölkələrə gediş-gəlişdə hələ də məhdudlaşdırmalar saxlanıb. Halbuki, Ümumdünya Səhiyyə Təşkilatı (ÜST) 2023-cü il mayın 5-dən koronovirus pandemiyasının başa çatdığını açıqlayıb. Bir sıra müxalifət partiyalarının rəhbərləri pandemiyanın başa çatmasına baxmayaraq, bəzi məhdudiyyətin saxlanmasını hakimiyyətin siyasi, iqtisadi maraqları ilə izah edir. Ölkə başçısı isə Nazirlər Kabinetinin açıqlamasına baxmayaraq, son illər sərhədlərdə məhdudiyyətin saxlanılmasını, əsasən, təhlükəsizlik amili ilə yozub.
Amma son həftələr İran və İsrail arasında silahlı toqquşmalarla bağlı İrandan Azərbaycana icazəli şəkildə keçidə (xüsusilə xarici vətəndaşlar üçün) şərait yaradılıb.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də ÜST koronavirusu pandemiya elan edib. Dünyada sürətlə yayılan bu virusdan 7 milyon civarında şəxsin vəfat etdiyi bildirilir. Azərbaycanda isə 830 mindən çox şəxsin bu virusa yoluxduğu, onlardan 10 min 400-nün vəfat etdiyi bildirilib. Amma son illər bu virusa yoluxmanın kəskin şəkildə azaldığı vurğulanır. ÜST ötən il mayın 5-də koronavirus pandemiyasının başa çatdığını açıqlayıb.
