Moskva Ukraynaya qarşı tammiqyaslı işğal müharibəsinə başlayandan bəri Rusiya məhkəmələrində hərbi hissəni icazəsiz tərk etmə, əmrə tabe olmama və fərarilik maddələri üzrə 20 min 538 iş qaldırılıb.
Bunu "Mediazona" saytı Rusiyanın məhkəmə saytlarının məlumatları əsasında hesablayıb.
Ən çox cinayət işi hərbi hissəni özbaşına tərk etmə maddəsi üzrə açılıb - 18 min 159. Daha sonra komandirin əmrinə tabe olmama – 1 min 369 və fərarilik – 1 min 10 iş təşkil edir.
Məhkəmələr 17.7 min təqsirləndirilən şəxs barəsində hökm çıxarıb. 2025-ci ilin aprelində məhkəmələr müvafiq işlər üzrə hər iş günündə orta hesabla 38 hökm çıxarıb və ay ərzində ümumilikdə 848 hökm elan olunub.